Астанада 21 жастағы ер адам есірткі сақтағаны үшін, жазаға тартылды, деп хабарлайды Oinet.kz тілшісі. 

Бұл туралы Астана қаласының прокуратурасы мәлімдеді.

Бұл «Заң мен тәртіп» және «Жас үміт» жобасы аясында өткен сот болған.

Бастаманы Астана қаласы Сарыарқа ауданының прокуратурасы қолға алған.

«Бастаманың мақсаты - жастар арасында есірткі және психотроптық заттардың заңсыз айналымы саласындағы қылмыстардың алдын алу», - деп хабарлаған Астананың прокуратурасы.

Осылайша, бұл сот процессін 25 мектепте оқитын мыңнан астам оқушы онлайн қарап отырған. Яғни сот есірткі сақтаған 21 жастағы жігітті оқушылардың көзінше 7 жылға соттаған.