АҚШ президенті әскерилерге бүкіл елді қорғайтын “зымыранға қарсы қорғаныс қалқанын" әзірлеуді тапсырды. Бұл туралы Stan.kz ақпарат агенттігі хабарлайды.

АҚШ-тың қорғаныс министрі 60 күнде бағдарламаның жоспарын ұсынуы керек, ал Трамп оны дамытуға арналған қаражатты 2026 жылға арналған бюджетке енгізгісі келеді.

АҚШ президенті Израильдің "Темір күмбезінің" аналогын жасамақ. Оны баллистикалық, гипер дыбыстық және қанатты зымырандардың шабуыл қаупінен сақтану деп түсіндіреді.

Алайда Израильдің зымыранға қарсы қорғаныс жүйесі алыс қашықтықтағы және гипердыбысты зымырандарды басуға арналмаған.