Астанада төртінші қабаттан құлағалы тұрған баланы құтқарған жеткіншек марапатталды

Oinet.kz 22-05-2024 582

Астанада төртінші қабаттан құлағалы тұрған баланы құтқарған жасөспірімді қала әкімі Жеңіс Қасымбек марапаттады. Бұл туралы Stan.kz ақпарат агенттігі хабарлайды. 

Screenshot_2.jpg

Астана әкімі 7-сынып оқушысы Ақан Әкімжанов пен оның ата-анасымен кездесті.

“Ақан мен оның ата-анасымен кездестім. Ол өзінің жылдамдығымен және батылдығымен қайғылы жағдайдың алдын алды. Ақанның ата-анасына ержүрек ұл өсіріп, лайықты тәрбие бергені үшін алғысымды білдіремін! Ақан сол сияқты оқуда да, спортта да жетістіктерге жетіп жүр. Мұғалімдері мен сыныптастары ол туралы адал дос, саналы және жауапкершілігі мол оқушы деген пікірде”, – деді Жеңіс Қасымбек.

Жасөспірімге ерлігі үшін планшет пен бір миллион теңге сыйға берілді. Сондай-ақ болашақта колледжге немесе университетке түсу кезінде көмек көрсетіледі деп уәде етті.

Еске салсақ, Астанада 7-сынып оқушысы төртінші қабаттан құлағалы тұрған баланы құтқарып қалған еді. 

Астанада 7-сынып оқушысы төртінші қабаттан құлағалы тұрған баланы құтқарып қалды
Мұғалімдер Рымбаеваның концертіне байланысты директорды жұмыстан шығаруды талап етті
Сәйкес тақырыптар
Көтерілу