Екібастұзда дене шынықтыру пәнінің мұғалімі14 жастағы оқушыға тиісті деп айыпталды. Болған оқиға туралы баланың ата-анасы мәлімдеді, деп хабарлайды Oinet.kz тілшісі Pavlodarnews.kz басылымына сілтеме жасап. 

Анасының сөзінше, мұғалім оқушыға түрлі хабарламалар жіберген. 

"Ол хат жазып, түрлі әдепсіз ұсыныстар айтып, жақындасу туралы ұсыныстармен аудиожазбалар жіберген", – деп жазды анасы. 

Екібастұз білім басқармасы бұл дерекке қатысты пікір білдірді. 

"Бұған дейін де, қазір де ата-аналар мен балалардан бұл мұғалімге қатысты өтініш түспеді. Ақпаратты көре салысымен мұны полицияға бердік", – деп жауап берді басқарма өкілдері. 

Қазіргі таңда құзырлы органдар Қылмыстық кодекстің 123-бабы 2-бөлігі "Кәмелетке толмаған адамды жыныстық қатынасқа түсуге мәжбүрлеу" бабымен тексеріс жүргізіп жатыр.