Чилиде "зілзала жаршысы" аталатын, ұзындығы 5 метрге жуық "Майшабақ патшасы" ұсталды, деп хабарлайды Oinet.kz тілшісі.

Мамандардың сөзіне сенсек, бұл балық теңіздің түбінде өмір сүреді. Судың бетіне қандай да зілзала, апат, дауыл, тектотиналық қозғалыс немесе ауру пайда болар кезде шығады. 

Жергілікті билік балықтың мыңдаған метрді артқа тастап, жоғарыға шығуының себебін анықтамақ.  

Аңызға сәйкес, мұндай балықты ұстаған адамды қарғыс ұрады. Жалпы бұл балық катаклизмнің басталуы мен тыныш, жайлы өмірдің аяқталуын білдіреді деген наным бар.

Ал TikTok қолданушылары жақында жер сілкінісі, цунами болады, сондықтан алдын ала қамдану керек деп қалжыңдауда. Ірі балықтың ұсталған видеосы.