Алматы қаласының қылмыстық істер жөніндегі мамандандырылған ауданаралық сотына 19 жастағы Аяжан Еділованы зорлау және аса қатігездікпен өлтіру туралы іс түсті, деп хабарлады қалалық соттың баспасөз қызметі. 

- Бұл іс жыныстық қолсұғушылыққа қатысты болғандықтан, жабық режимде өтеді. Алдын ала тыңдауда істі қарау мәселесі алқабилердің қатысуымен немесе судьямен жеке шешіледі – делінген хабарламада.

Істің қай күні қаралатыны әзірге белгісіз.

Бұған дейін 19 жастағы Аяжан Еділованы өлтірген қылмыскер 32 жылға сотталуы мүмкін екенін жазған болатынбыз.