Сыбайлас жемқорлыққа қарсы саясат тұжырымдамасы талқыланды

Oinet.kz 07-10-2021

Мемлекет басшысы Қазақстан халқына Жолдауында «Сыбайлас жемқорлықпен тиімді күресті жалғастыру қажет. Құзырлы агенттік жыл соңына дейін орта мерзімді кезеңдегі іс-қимылымыздың бағдарламасын айқындайтын стратегиялық құжатты бекітуге ұсынуы керек» деп атап өтті. 

Screenshot_5.jpg

Осыған орай, Сыбайлас жемқорлыққа қарсы іс-қимыл Агенттігімен «Қазақстанның 2022-2026 жылдарға арналған сыбайлас жемқорлыққа қарсы саясат тұжырымдамасы» жобасы ұсынылып, түрлі алаңдарда талқылануда. 

Шымкентте «Аntikor ortalyǵy» сервистік орталығында қоғам белсенділеріне аталған Тұжырымдама таныстырылып, талқылауға ұсынылды. 

Агенттіктің Шымкент қаласы бойынша департаменті басшысының бірінші орынбасары Т.Серікбаевтың төрағалығымен өткен жиынға  қоғам, бұқаралық ақпарат құралдары, мемлекеттік органдар, мәслихат депутаттары және ғылыми орта өкілдері мен ақпараттық-ағартушылық штабының мүшелері қатысты. 

Талғар Серікбаев, заңнамалық өзгерістер мен жемқорлықпен күрестегі жаңа тәсілдерге, Концепцияның құрылымы мен негізгі бағыттарына тоқталды.

Тұжырымдама 6 бөліктен, яғни, парасатты мінез-құлыққа ынталандыру, жемқорлық мүмкіндіктерін жою, жауапкершіліктің сөзсіздігі, жемқорлыққа қарсы іс-қимылға азаматтық қоғамды тарту, жемқорлыққа қарсы саясат тиімділігінің мониторингі мен сыбайлас жемқорлыққа қарсы әрекет бойынша уәкілетті орган бөліктерінен тұратындығы қатысушылар назарына ұсынылды. 

Шара барысында әр тармаққа кеңінен түсіндірме беріліп, күтілетін нәтижелер таныстырылды. 

Жиында қатысушылар тарапынан бірқатар пікірлер мен ұсыныстар айтылып, олар жұмыс тобына жолданатын болады.  

Айта кетейік,  тұжырымдаманы әзірлеуде әрбір азамат www.adal.com.kz сайтына ұсыныстарды жолдау арқылы белсенділік таныта алады.

«Айыппұл - 118 мың теңге» Танымал журналист айыппұл мөлшеріне сын білдірді
Сот орындаушыны ұрған кісі: «Ол мені балағаттаған соң ұрдым»


Сәйкес тақырыптар
Көтерілу
×