«Қазақстанда коронавирустың жаңа штамы анықталды» - Цой

Oinet.kz 21-09-2021

Денсаулық сақтау министрі Алексей Цой Қазақстанда коронавирустың жаңа штамы анықталғанын мәлімдеді.

image.png

Денсаулық сақтау министрлігі биыл шілде-тамызда коронавирус науқастарынан алынған оң зертханалық үлгілерді секвенирлеу әдісімен коронавирус инфекциясына генетикалық зерттеу жүргізген. Eta "Нигерия" штамының айналымы 4 өңірде анықталған: Қарағанды - 1, Маңғыстау - 2, Павлодар - 1, Нұр-Сұлтан - 1.

- "Секвенирлеу қорытындысы бойынша Қазақстан Республикасында 96 үлгіде штамдар айналымы белгіленген (Delta "үнді штамы" - 57 (59,4 пайыз), Alpha "ұлыбританиялық" - 24 (25 пайыз), "Ухань" коронавирусы - 10 (10,4 пайыз) және Еta "Нигерия" - 5 (5,2 пайыз)", - делінген хабарламада.

Eta штамның пайда болуы 2020 жылдың желтоқсанында белгілі болды, аурудың алғашқы жағдайлары Нигерия мен Ұлыбританияда анықталған. Дүниежүзілік денсаулық сақтау ұйымының 2021 жылғы 15 қыркүйектегі деректері бойынша Eta штамы әлемнің 77 елінде анықталған, ДДСҰ санаты бойынша "бақылауды" талап ететін штамдарға жатады.

- "Клиникалық белгілері Alpha (ұлыбританиялық) және Beta (Оңтүстік Африка) штамдары (жоғары қызба, жөтел, иіс пен дәм жоғалту, ауыр ауру және т.б.) сияқты", - делінген хаарламада.

Алматыда атыс ұйымдастырған жігіт өмір бойына сотталуы мүмкін
Танымал жазушы халықты сот орындаушылардан қорғауды сұрап Тоқаевқа хат жазды


Сәйкес тақырыптар
Көтерілу
×