Педагогтың кәсіби дамуының жаңа моделі құрылады. Бұл туралы Мемлекет басшысының Жолдауында берілген тапсырмаларды орындауға арналған Үкімет отырысында Білім және ғылым министрі Асхат Аймағамбетов мәлім етті, деп хабарлайды Oinet.kz. 

- «Педагогтардың біліктілігін арттыру кезеңін «үш жылда бір рет» болып қайта қарастыру бойынша тоқталсақ, осы тапсырма аясында педагогтың кәсіби дамуының жаңа моделі құрылады. «Білім туралы» Заңға қажетті өзгерістер енгізіледі», - деді А. Аймағамбетов. 

Оның айтуынша, педагогтар курстармен тегін қамтамасыз етіледі.

- «Президентіміз айтып көрсеткендей, педагогтар арнайы біліктілік курстарымен толығымен қамтылмай, өз қаражаты есебінен өтуге мәжбүр болған. Енді Мемлекет басшысының тапсырмасы аясында педагогтар курстармен тегін қамтамасыз етілетін болады», - деді министр.