Facebook желісінде журналист Гүлбану Әбенова шоумен Тұрсынбек Қабатовтың қызын оқытқан репетитор туралы ықтимал ақпарат жариялады. Репетитордың есімі - Нұрбек Қанай. Елордада "140 плюс" білім беру орталығында жұмыс істейді.

- Бұл Нұрбек Қанай. Қабатов телефонмен сөйлесуі ықтимал деген жігіт. Қабатовтың қызының орнына кірген қыз, мүмкін оның қарындасы немесе жұбайы, фамилиясына сүйенсек, - деп жазды журналист.

Еске сала кетейік, кеше Тұрсынбек Қабатов Instagram парақшасында "ҰБТ-ға өз қызының орнына басқа қызды кіргізді" деген дауға қатысты репетитор Нұрбекке телефон соққан видеосын жариялады. Видеода ол Нұрбектің іс-әрекетіне деген ренішін білдіреді.