Токио Олимпиадасында  ауыр атлетикадан 61 келіге дейінгі салмақ дәрежесінде өнер көрсеткен зілтемірші Игорь Сон қола медаль жеңіп алды.

Қазақстандық спортшы қос сайыс нәтижесінде 294 (131+163) келіне бағындырды.

61 келіге дейінгі салмақтағы бәсекеде алтын жүлде қытайлық Фабин Лиге бұйырса, күміс Индонезия спортшысы Джули Ираван қанжығасында кетті.

Айта кетейік, Игорь Сон сынға түскен салмақта кілең мықтылар бақ сынасты: Джули Ираван (Индонезия), Абдурахим Алсалим (Сауд Арабиясы), Ким Туан Тач (Вьетнам), Шота Мишвелидзе (Грузия), Еичи Итоказу (Жапония), Фабин Ли (Қытай), Чан-Хун Као (Тайбэй), Давиде Рую (Италия).