Тоқаев бірқатар заңға қол қойды

Oinet.kz 19-04-2021

Мемлекет басшысы Қасым-Жомарт Тоқаев үш заңға қол қойды, деп хабарлайды Ақорда баспасөз қызметі.

Токаев заң.jpg

Мемлекет басшысы "Мемлекетаралық стандарттау жөніндегі құжаттарды тарату туралы келісімді ратификациялау туралы" Қазақстан Республикасының Заңына қол қойды. Оған сәйкес, өзара іс-қимылды үйлестіру орталықтандырылған түрде Стандарттар бюросы арқылы жүзеге асырылады. Бұл тәсіл енгізілген мемлекетаралық стандарттардың орталықтандырылған есебін қолдану мен сұраныстың заңдылығын қамтамасыз етуге бағытталған.

Одан бөлек Президент "Тәуелсіз Мемлекеттер Достастығына қатысушы мемлекеттердің бас бостандығынан айырумен байланысты емес жазаларды орындауды беру туралы конвенциясын ратификациялау туралы" Қазақстан Республикасының Заңына қол қойды.

Конвенцияға сәйкес, сотталған адам немесе заңды өкіл жазасын тұрғылықты жерінде өтеуге өтініш береді. Өтініш негізінде Бас прокуратура сұрау жібереді, атап айтқанда, азаматтығын куәландыратын құжаттар, оның жазбаша келісімі, сот шешімінің көшірмесі, сипаттамалары, келтірілген зиян туралы мәліметтерге сұрау жіберіледі. Сотталған адамды қабылдаушы ел белгіленген жазадан қатаң емес жазаны белгілейді.

Сондай-ақ Мемлекет басшысы "Еуразиялық экономикалық одақ шеңберінде бағалы металдармен және асыл тастармен операцияларды жүзеге асыру ерекшеліктері туралы келісімді ратификациялау туралы" Қазақстан Республикасының Заңына қол қойды.

Заңдардың толық мәтіні баспасөзде жарияланатын болады.

Әскери қайраткер Ким Серікбайұлы дүниеден өтті
Азаматтардың құқығын қорғауға бағытталған жаңа әкімшілік рәсімдік-процестік кодекс қолданысқа енеді


Сәйкес тақырыптар
Көтерілу
×