Осы жылдан бастап дене шынықтыру пәні мұғалімдерінің жалақысына қосымша ақы қосылады. Бұл жаңалықпен білім және ғылым министрі Асхат Аймағамбетов Facebook желісіндегі парақшасында бөлісті, деп хабарлайды Oinet.kz тілшісі.

«2021 жылдың 1 қаңтарынан бастап балабақшалар, мектептер мен колледждердегі дене шынықтыру мұғалімдерінің айлығына жаңа қосымша ақы тағайындалды.

Енді дене шынықтыру мұғалімдерінің еңбекақысына ай сайын қосымша 17 697 теңге төленетін болады», - деп жазды министр.

Енді бұл пәннің мұғалімдері оқушылар мен студенттерге қосымша секциялық сабақтар өткізеді.

«Балаларды спорт секциялары арқылы қосымша сабақтарға тарту – салауатты өмір салтын қалыптастыру, білім алушыларды спортқа баулу және олардың денсаулығын нығайту бойынша берілген Мемлекет басшысы Қ.К.Тоқаевтың тапсырмаларының шеңберінде басқа да кешенді шаралар қабылданады», - деп ойын толықтырды министр.