Арысты газдандыру қарқынды жүріп жатыр. Қала әкімінің айтуынша, бұл қаланың әлеуетін арттыру үшін жасалып отыр. Айта кететіні,биыл газбен жабдықтаудың үшінші кезеңі аяқталмақ.

"Оған үш миллиард теңге бөлінді. Бірақ әзірге газдандыру жеке секторға қатысты, ірі панельді үйлердің тұрғындарына қатысты, олар электр қуатын пайдаланады. Бұл, әрине, қымбат, бірақ менің ойымша, жақын арада олардың үйлеріне көгілдір отын келеді. Жалпы 49300 адам табиғи газбен қамтамасыз етіледі, халықты газдандыру үлесі 64% - ды құрайды. 2021-2024 жылдар аралығында Баймырқұм, Көкжиде, Жиделі, Аққала, Дермене, теміржолшы, Орманды, Қаражантақ, Саналы, Ақдала елді мекендерін табиғи газбен қамту жоспарланып отыр. ", - деді Арыс қаласының әкімі Мұрат Қадырбек.

Естеріңізге сала кетейік, 2019 жылы 24 маусымда Арыс қаласындағы №44856 әскери бөлімінің оқ-дәрілер қоймасында жарылыс болды. Ресми мәліметтер бойынша, әскери қоймадағы өрт пен жарылыстар үш адамның өмірін қиды, ондаған адам ауруханаға түсті. Арыс қаласының жарылған оқ-дәрілерден тұрғындар мүмкіндігінше аман қалды. Көп бөлігі өздігінен эвакуацияланды. Жарылыстар, ТЖ қызметтерінің хабарлауынша, тұрғын үйлердің шамамен 85 пайызын зақымдап, 20-дан астамы жанып кеткен.

Қала көшелері снарядтардан тазартылғаннан кейін, өрт ошақтары жойылып, аумақ дезинфекцияланғаннан кейін, адамдар үйлеріне қайтуға мүмкіндік алды.

Қала бүкіл ел болып қалпына келтірілді.Ол үшін Арысты 17 аймақ бөліп алып, құрылыс жұмыстарын атқарды. Арыстағы қираған үйлерді қайта қалпына келтіруге 160 бригада жұмылдырылды.