Әйелінің қабырғасын сындырып, баласының басын унитазға батырды (видео)

Oinet.kz 10-08-2020

Әйелінің қабырғасын сындырып, баласының басын унитазға батырды. Елімізде тағы бір озбыр әкенің әрекеті әшкере болды. Бұл жолы сұмдық жайт Алматы облысында тіркелген, деп хабарлайды Oinet.kz "Еуразия" Бірінші арнасына сілтеме жасап.

image.png

«Полицияға барсаң, жақындырыңды өлтіремін» деп қоқан-лоқы көрсеткен күйеуінен қорыққан  келіншек қорлыққа бір жылдан бері төзіп келген екен.  Алайда, анасының өміріне алаңдаған балалары әкелеріне өздері шағымданыпты.

- «Маған немерем телефон арқылы хабарлама жіберді. «Әже, анамның өмірі үшін қорқамын, әкем оны қатты ұрып жатыр деп жазды. Мен бірден полицияға арыздандым. Үйге құзырлы органдармен бірге келдім. Сол кезде көргенім, әлі де көз алдымда тұр. Қызымның үсті қан-қан, балалар жылап жатыр.  Бұған дейін де талай кешірдік, бірақ шыдамның да шегі бар» - дейді әжесі.

Гүлнар апай қызының басынан өткен сұмдық жайттарды әзер айтып отыр. Өйткені, Адам айтса нанғысыз әрекеттерге барған. Қызын көк ала қойдай етіп сабағаны өз алдына,  немерелеріне де күн көрсетпепті. Екеуі бірінші некеден, тағы екеуін  осы ер азаматтан көтерген екен.  Өгей ұлын ұрды, екіншісін  зорлады, ал өзінің кенже баласын унитазға да батырды дейді әжесі. Тұңғыш немересі ауыр жағдайда ауруханада жатыр екен.  

- «Баланы  қабылдау бөлімінде барлық тексерулер жүргізілді. Балаға мвнадай диагноз қойылды.  Бас ми жарақаты, бас миының соғылуы.  Оң жақ бесінші қабырғаның сынығы, оң жақ көз алмасының контузисы. Бала қазір трамвматологияда жатыр. Жағдайы орташа ауырлықта» - дейді Асқар Қалиев, Алматы аймақтық балалар клиникалық ауруханасының директорының емдеу ісі жөніндегі орынбасары.

Бұл отбасыда үнемі ұрыс-керіс болатынын  көршілері де растап отыр. Әйелі мен балаларының  сыртқа шығып, аулада ойнап, көшеде серуендегенін бір көрмедік дейді.         

- «Үйлерінен үнемі  айқайлаған дауыстар шығып отырады. Балалар  жылап жатса да, тоқтамайды. Терезеден бір күн киім ұшады, енді бірде басқа затты лақтырып жібереді. Әйел мен балаларын әлі көрмедім, соған қарағанда сыртқа шығармайтын сияқты» - дейді көршісі.

Белгілі болғандай, 1976 жылғы ер азамат бұған дейін де сотталып, 20 жыл мерзімге бас бостандығынан айырылған екен. Сондықтан, «түрмеден қорықпаймын, полицияға арыз жазсаң, өзіңді де, жақындарыңды да өлтіремін» деп қоқан-лоққы көрсетіп келген.  Осыған дейін  түрлі дене жарақатымен үш  рет ауруханаға түсіп, полицияға арызданса да, балаларының өміріне алаңдап, арызын қайта алып кете берген.  Соңғы оқиғадан кейін, іс қайта қозғалыпты.  Күдікті қамауға алынып, сотқа дейінгі тергеу амалдары басталды.

- «Қазіргі уақытта Іле аудандық полиция басқармасында тергеу амалдары жүргізіліп жатыр. Кішігірім болса да көмегіміз, тамағын, балаларына ойыншық, көмек алып келіп отырмыз» - Бауыржан Дәркембаев, Іле аудандық ішкі істер басқармасының учаскелік полиция инспекторы.

Бір жылдан бері күйеуінен зәбір көріп, қорғансыздың күнін кешкен келіншек қазір ауруханада. Оның төрт қабырғасы сынып, бас миы зақымданған. Жағдайы ауыр, бірақ өміріне ешқандай қауіп төніп тұрған жоқ.  Ал балалары әзірге әжесінің қолында.

​Елімізде Абайдың 175 жылдығына арналған ерекше монеталар шықты
Жақсылық Үшкемпіровтың соңғы сұхбаты жарияланды (видео)
Сәйкес тақырыптар
Көтерілу
×