Тоқаев Назарбаевпен қалай танысқанын айтып берді

Oinet.kz 02-07-2020 1301

Президент Қасым-Жомарт Тоқаев Назарбаевпен қалай танысқанын жазды, деп хабарлайды Oinet.kz ақпарат агенттігі. Мемлекет басшысы бұл туралы "Егемен Қазақстан" газетінде жарияланған мақаласында айтылған.

image.png

- Менің Елбасын алғаш көр­геніме де 35 жылдың жүзі болып­ты. Нұрсұлтан Әбішұлы 1985 жыл­дың қыркүйегінде Қазақ КСР Ми­нистрлер Кеңесінің төрағасы кезінде Қытайға келген еді. Ол кезде елшілікте жұмыс істейтінмін. Сон­да Үкімет басшысының қы­тай­лық­тар­мен келіссөздер барысында бай­қалған мол біліміне, тоталитаризм тұсын­да қа­лып­тасқан жайлар жөніндегі батыл ойларына, сөзінің жүйелілігіне бәрі­міз қатты разы болғанбыз. Елшілік қызмет­керлерімен бас-аяғы екі жарым сағатқа созылған бейресми әңгімеден кейін бас қос­қанымызда мен әріптестеріме қарап: "Те­гінде, біз Қазақстанның болашақ бас­шы­сымен сөйлескен шығармыз" дедім. Арада бес жыл өткенде Нұрсұлтан Назарбаев еліміздің бас­­шы­лығына келді. Қазақстанның Тұңғыш Прези­дентінің тәуелсіздік таңындағы алғашқы кадрлық шешімдерінің бірі менің де тағдырымды ай­қын­дап берді. "Беласу" атты кіта­бымда: "Бұл үлкен жүректі адам менің қабілетіме сенді, сенді де оны өзім туып-өскен Қазақ­стан игі­лігі үшін аямай жұмсауыма жол ашты" деп жазған болатынмын, - деді Қасым-Жомарт Тоқаев.

Оның сөзіне қарағанда, Біріккен Ұлттар Ұйымы бас хат­­шы­­сының орынбасары бол­ған жылдарында әлемге әйгілі саясат­кер­лердің Нұрсұлтан Назарбаевқа биік ба­ға берген сөздерін талай естіген.

Сонымен қатар, Тоқаев ел басқару ісінде Нұрсұлтан Әбішұлы Уинстон Чер­чилль­дің "Қиын уақытта елді мықты басшы басқаруы керек" деген сөзін басшылыққа алғанын атап өтті.

В Мактааральском районе близится к завершению строительство 200 домов
«Әділдік қайда, Тоқаев мырза» - хирург (видео)
Сәйкес тақырыптар
Көтерілу