Солтүстік Кореяда мүлде коронавирус дерегі тіркелмеген

Oinet.kz 02-04-2020 1499

Солтүстік Корея дәрігерлері елде жаңа коронавирус инфекциясын жұқтырған жағдайлардың расталмағанын мәлімдеді деп хабарлайды KAZ.NUR.KZ. 

2020031313513886539_snimok.jpg

Ақпан айында Оңтүстік Кореяның Chunan Ilbo басылымы КХДР-дегі дереккөзге сілтеме жасап, Солтүстік Кореяда жаңа коронавирусты жұқтырудың алғашқы жағдайы туралы хабарлаған. Басылымның мәліметінше, алғашқы пациент Қытайдан оралған "Пхеньян" тұрғыны болып шыққан. Алайда бұл ақпарат ресми түрде расталмаған. 

- "Елімізде әлі күнге дейін коронавирус жұқтырғандар болған емес", - дейді агенттікке жұқпалы ауруларды жедел бақылау жөніндегі орталық штабтың эпидемияға қарсы бөлімінің басшысы Пак Мен Су. 

Оның сөзінше, елде коронавирустың алдын алу шаралары бірден жүргізілген. 

- "Біз елімізге келгендердің барлығына тексеріс жүргізіп, карантин енгіздік. Сондай-ақ барлық тауарларды мұқият дезинфекциялау, шекараларды жабу, теңіз бен әуе жолдарының барлығын жабу сияқты профилактикалық және ғылыми шараларды жүргіздік", - дейді ол.

Естеріңізге сала кетейік, бұған дейін Оңтүстік Кореядағы қазақ жігіті кәрістердің коронавирусты қалай жеңгенін айтып берген еді. 

Тірі туған нәрестені тоңазытқышта қалдырған басшы айыппұлмен құтылды
Алматыда бомждарды ауыл шетіне лақтырып кеткен
Сәйкес тақырыптар
Көтерілу