«Теңізшевройл» шетелдік компаниясы коронавируспен күреске 1,3 миллиард теңге бөлді

Oinet.kz 27-03-2020

Атырауда «Теңізшевройл» бірлескен кәсіпорны коронавируспен күрес шараларына 1,3 млрд теңге бөлді. Бұл туралы компанияның Үкіметпен және қоғаммен байланыс бөлімінің бас менеджері Рзабек Артығалиев мәлім етті, деп хабарлайды ҚазАқпарат. 

11794-6-chto_dast_kazahstanu_s_ru.jpg

Оның айтуынша, Теңіз кен орнында медициналық құрал-жабдықтармен қамтылған 300 орындық оқшаулау орны дайындалған. Қазір компания қызметкерлері дене қызуы өлшенгеннен кейін ғана жұмыс орнына жіберіледі. Ал, кеңсе қызметкерлерінің 70% қашықтан жұмыс істеу режиміне көшкен. Олардың жалақысы сақталады. 

- «Компанияның есебінен бөлінген 1,3 миллиард теңгеге медициналық құрылғылар мен жабдықтар сатып алынып, Атырау облысының денсаулық сақтау мекемелеріне беріледі. Қазірдің өзінде құрылғылардың бір бөлігі әкелінді. Қалғаны жақында жеткізіледі. Сондай-ақ, «Теңізшевройлдың» бастамасымен «Атырау-Астрахан» тас жолы бойындағы оқшаулау бекеті жабдықталды», - деді Рзабек Артығалиев.

Мысырдан келгендер карантиннен бас тартты
Димаш пен Тасмағамбетов коронавирус жұқтырған Лещенкомен бір кеште болған
Сәйкес тақырыптар
Көтерілу
×