Мұхтар Жәкішев бостандыққа шықты

Oinet.kz 19-03-2020 1360

Семейде Мұхтар Жәкішев отырған ОВ-156/14 колониясының алдына ондаған азамат жиналды. Бүгін, 19 наурызда ол сот шешімімен шартты түрде мерзімінен бұрын бостандыққа шықты деп хабарлайды KAZ.NUR.KZ порталына сілтеме берген Oinet.kz. 

2020031910422344386_2020031910281333379_a.jpg

Наурыз айының басында Семейдегі №2 сотта Жәкішевтің мерзімінен бұрын босату туралы өтініші қаралған еді. "Қазатомөнеркәсіптің" экс-басшысы сот залында бой көрсетпеген болатын. Отырыс барысында колониямен видеобайланыс жасалған.

1584592952_79.jpg

Сотта сөз сөйлеген колония өкілі тұтқынның үлгілі тәртібін айтып, оны мерзімінен бұрын босатуға болатынын жеткізген. Нәтижесінде сот Жәкішевті босату туралы үкім шығарған.

Сол күні үкімнің заңды күшіне жарты айдан кейін ғана енетіні хабарланды. Яғни, "Қазатомөнеркәсіп" бұрынғы басшысының 19 наурызда бостандыққа шығатыны анықталды.

Еске сала кетсек, "Қазатомөнеркәсіп" ҰК бұрынғы басшысы 2010 жылы 14 жылға бас бостандығынан айырылған еді. Оған сеніп тапсырылған мүлікті жұмсау және пара алды деген айып тағылған.

Жәкішев үш рет мерзімінен бұрын босату туралы өтініш берген. Оның өтініші екі рет қабылданбаған болатын.

Сондай-ақ сот болар алдында ел президенті "Қазатомөнеркәсіп" экс-басшысына қатысты пікір білдіріп, шартты түрде мерзімінен бұрын босату туралы шешімді сот қана қабылдайтынын айтып, шешім әділ боларына сенім білдірген еді.

ҚР Ұлттық банкі мен Қазақстан қор биржасы бірлесіп мәлімдеме жасады
Алматы облысының тұрғындары карантиннің бірінші күні қалаға кірмек болды
Сәйкес тақырыптар
Көтерілу