Ерікті жастарға Елбасының Алғыс хаттары тапсырылды

Oinet.kz 25-06-2020 523

Screenshot_6.png

Түркістан облысында қайы¬рымдылықты дәріпітейтін, бауырмалдыққа баулитын тың бастама жүзеге асырылуда. Жуырда Түркістан қаласында пандемия кезінде әлеуметтік көмекті үлестіруге атсалысқан ерікті жастарға Елбасының Алғыс хатын тапсыру салтанатты іс-шарасы өтті. Марапатты  облыс әкімі,  «Nur Otan» партиясы Түркістан облыстық филиалының төрағасы Өмірзақ Шөкеев тапсырды.

Жастардың елге деген жанашырлығын жоғары бағалаған өңір басшысы "Елбасы Нұрсұлтан Назарбаевтың бастамасымен,"Nur Otan" партиясының үйлестіруімен елімізде "Біз біргеміз" акциясы қолға алынды. Акция Түркістан облысында жоғары деңгейде өтіп жатыр. Игі істі жүзеге асыруда ерікті жастарымыз елге көмектесті. Карантинде де жұмыс істедіңіздер. Еңбектеріңізді Елбасы бағалап отыр. Отаншыл,  мемлекетшіл азаматтар өздеріңіздей жалынды жастардың арасынан шығады",- деді. 

Мемлекет басшысы Қасым-Жомарт Тоқаев 2020 жылды «Еріктілер жылы» деп жариялаған болатын. Өңірдегі еріктілер сенімді ақтап жүр. Осы орайда "Біз біргеміз" акциясын жүзеге асыруға көмектескен Түркістан облысы «Jas Otan» жастар қанатының 138 еріктісі де Елбасы Алғыс хатымен марапатталды. Салтанатты жиында облыстық "Жастар ресурстық" орталығының директоры Амалбек Өміртай өңір басшысына жастар атынан волонтерлардың бас киімін тапсырды. Облыстағы 40 мыңнан астам әлеуметтік аз қамтылған отбасыларға көмекті үлестіруге 600-ден астам қоғам белсендісі, еріктілер атсалысты. 


Түркістанның ауыл шарушылығы 3 бағытта дамиды
«Біз біргеміз" акциясы: Түркістан екінші орынды иемденді
Сәйкес тақырыптар
Көтерілу