«Қазақстан 2050» Стратегиясында Елбасы Н.Назарбаев:

- Біздің жастарымыз оқуға, жаңа ғылым-білімді игеруге, жаңа машықтар алуға, білім мен технологияны күнделікті өмірде шебер де тиімді пайдалануға тиіс. Біз бұл үшін барлық мүмкіндіктерді жасап, ең қолайлы жағдайлармен қамтамасыз етуіміз керек,-деген болатын. 

Осы мақсатта Түркістан облысы Шардара қаласынан «Дарын» дамыту орталығы ашылды. Мемлекеттік жол картасы 2020 бағдарламасы аясында іске асырылған дамыту орталығында 6-12 жас аралығындағы балаларға білім алады. Орталықтың иесі Ақмарал Жақсылықова кәсіп бастау үшін мемлекеттен қайтарымсыз 3 млн 500 мың теңгелік грант жеңіп алған. Қазіргі кезде балалардың 90%-ы есте сақтау қабілетінің төмендігінен берілген ақпараттарды түгел қабылдай алмайды және өте баяу оқиды. Осы тұрғыда «Дарын» дамыту орталығы балалардың мәселесін шешуге атсалысатын болады.

Түркістан облысы әкімінің баспасөз қызметінің хабаралуынша, бұл орталықтың негізгі мақсаты – жылдам оқыту, есте сақтау қабілетін жақсарту, буындап оқуды меңгерту, логикалық ойлау қабілетін дамыту, шығармашылық қабілетін арттыру және барлық пәнді еркін меңгеруді үйрету.

Айта кетсек, орталықтың негізін қалаушысы Түркия мемлекеті, Измир қаласындағы Эге университетінен білім алған. Жылдар бойы жиған білімі мен ізденістің арқасында «Жадыны дамытуға» арналған авторлық кітабы жарық көрді. Сол оқулық бойынша балаларға білім беретін болады.