Танымал продюсер, Қайрат Нұртастың анасы Гүлзира Айдарбекова отбасылық құпиясын ашып, елді елең еткізді. Ол жолдасы Нұртас Айдарбековпен басынан өткізген оқиғасы туралы баяндап берді, деп хабарлайды Oinet.kz тілшісі Caravan.kz медиа порталына сілтеме жасап.

Бұл туралы ол желідегі парақшасында мәлім етті. 

Айтуынша, Қайрат Нұртастың небары 5 айында жолдасы Нұртас Айдарбековты Павлодар қаласында пышақтап кетіп, ол жансақтау бөлімінен бірақ шыққан. Сол кезде жолдасының жанынан табылмақ болған Айдарбекова, бес айлық тұңғышын тастап, қымбат көйлектерін сатып, жолына ақша тауып, ұшақпен күйеуінің жанына барған көрінеді. 

Продюсер алғаш рет мұндай суық хабарды естігенде "Жесір қаламын ба" деп қорыққанын да жасырмайды. Десе де, аталған оқиғаның немен аяқталғанын продюсер әлі мәлім етпеді. Ол тек оқырмандарына оқиғаның жалғасын жазатынын хабарлаған. 

Көпшілік продюсерден болған жайттың жалғасын асыға күтетіндерін жазған. Олар: "Күтеміз", "Соңы не болды", "Барсаңыз ағасыздың халі қалай екен?", "Нағыз қызық жерінде тоқтағаныңыз қызық болды" деп жазды олар.