Қазақ эстрадасының белді мүшесі Мөлдір Әуелбекова осыдан біраз күндер тұрмысқа шыққандығын мәлімдеген болатын. Содан бері желі қолданушыларының арасында "жолдасы кім?" деген сұрақ туындаған болатын. Әнші, жақында өзінің өмірлік жарын Instagram желісі арқылы көпшілікке көрсетіп, тыңдармандары арасында қызу талқыға түсті, деп хабарлайды Oinet.kz.  

Мөлдір Әуелбекова мен оның жолдасының видеосын "Назар" тобындағы әнші ару түсірген болып шықты. Ол Нұр-Сұлтан қаласына барып, өнердегі әпкесі мен жездесімен қауышып қайтқан. Ая Есімова алдымен "екі дүркін ормалды" болған эстрада жұлдызының қолынан шай ішіп, артынан ерлі-зайыптылармен бірге серуендеуге шыққан. Жас әнші әпкесі мен жездесіне сүйсініп, Instagram парақшасында олардың көлікте құшақтасып отырған видеосымен бөліскен. Бейнежазбада Мөлдір Әуелбекова көліктің артқы жағынан жолдасын құшақтап отырғанын байқауға болады. Айта кетерлігі өнер иесі толығымен жабық киім киіп алған. Еске сала кетейік, Мөлдір Әуелбекова жақында тұрмысқа шыққанын хабарлаған болатын. Әнші екінші рет келін атанғанын барша жанкүйерлерімен бөліскен. Желі қолданушылары Әуелбекованың сүйіктісі пайда болғалы өмірінде түбігейлі өзгерістер орын алып жатқанын байқады. Ол алдымен парақшасындағы барлық фотоларды өшіріп тастап, енді хиджаб кие бастаған. Желіде оның тек жабық киімдегі образдары мен сүйіктісімен түскен суреттері ған бар. 

Посмотреть эту публикацию в Instagram

Мөлдір Әуелбекованың жолдасының шашы қалың екен