«Бастау-Бизнес» бағдарламасы бойынша оқуды аяқтағаны туралы сертификаты бар және жобаларын қорғаған студенттер жылдық 6 пайызбен несие ала алады.

«Шымкент-Атамекен» МҚҰ 51 пайыз үлеспен «Атамекен» АЭС және «Шымкент» ӘКК 49 пайыз қатысуымен құрылды. Бұл жоба Үкіметтің 2021 жылғы 4 маусымдағы № 382 қаулысына сәйкес жүзеге асырылуда. Ағымдағы жылға Жұмыспен қамтудың жол картасы аясында 1,5 миллиард теңге көлемінде қаржыландыру қарастырылған. Осылайша, Шымкент қаласында «Бастау Бизнес» жобасының 150-ден астам студенті жеңілдетілген шағын несиелеумен қамтылатын болады», - дейді Шымкент қалалық Кәсіпкерлер палатасының директоры Нұрлан Қабыштаев.

Палата директоры атап өткендей, соңғы жылдары банктік несиелердің құрылымы ірі қарыз алушылардың пайдасына көбірек ауысуда. Жалпы алғанда, қаржы жүйесі ең ірі және ең сенімді қарыз алушыларды несиелеуге бейімделген. Несие беруді ірі бизнестің пайдасына ауыстыру тенденциясы түсінікті: банктер шағын бизнесті несиелеуден қорқады, өйткені қайтарымсыздық үлесі жоғары. Бұл жалпы экономика үшін минус. . Микробизнесті несиелендіру жағдайын бағалағаннан кейін «Атамекен" бүкіл ел бойынша микроқаржы ұйымдарын аша бастады. Мемлекет басшысы «Еңбек» мемлекеттік бағдарламасының құралдарын қайта қарау және микроқаржыландыруды дамыту туралы тапсырманы Үкіметтің кеңейтілген отырысында берді, содан кейін «Атамекен» ҚР ҰКП мүдделі министрліктермен бірлесіп, жаңа жоба ұсынды микроқаржыландыруды дамытуға бағытталған. Бүгінгі таңда «Жұмыспен қамтудың жол картасы» бойынша несиелендіру шарттары анықталып, елімізде шағын кәсіпкерлікті дамытуға 22,5 миллиард теңге бөлінсе, оның 1,5 миллиард теңгесін Шымкент қаласы алған.

Нұрлан Қабыштаевтың айтуынша, осы уақытқа дейін мемлекеттік қолдауды пайдалана алмай келген «Бастау Бизнес» жобасының түлектері биыл бұл олқылықтың орнын толтырып, жаңа МҚҰ көмегімен өз ісін ашуға немесе дамытуға мүмкіндік алады. 

Еске сала кетейік, үшінші мегаполисте 3 жыл ішінде «Бастау Бизнес» жобасы бойынша 9 мыңнан астам адам оқып, 2 мыңнан астам бизнес-жобаны жүзеге асырған.