9 айда 260,7 млрд теңге инвестиция тартылды

Oinet.kz 21-10-2021 695

Screenshot_11.jpg

Шымкент қаласында экономикалық өсім артып келеді. Қалаға инвестиция салушылар қатары артқан. Бұған басты себеп - қаланың болашағы. Инвестиция құюшылар қала болашағына нық сеніммен қарайды.

2021 жылдың қаңтар-қыркүйек айларының қорытындысы бойынша қала экономикасына 260,7 млрд теңге инвестиция тартылып, бұл көрсеткіш өткен жылдың тиісті кезеңімен салыстырғанда 38,8 %-ға артқан. 

Қалалық кәсіпкерлік, индустриалды-инновациялық даму басқармасының басшысы Б.Дүйсебековтың айтуынша, 2021-2025 жылдары жалпы құны 2,6 трлн теңге 282 инвестициялық жоба іске асырылып, 20 мыңнан аса жаңа жұмыс орны ашылады. 

Оның ішінде, 2021 жылы жалпы құны 152,6 млрд теңге, 2,5 мың жаңа жұмыс орнымен 63 инвестициялық жобаның іске асырылуы жоспарланған. Бүгінде 63 млрд теңгеге 33 жоба жүзеге асырылды.

Жалпы кәсіпкерлікті қолдау картасы аясында биыл қала аумағында 40 млрд теңгеге 17 жобаны іске қосу көзделген. Оның ішінде, қазіргі таңда 15,3 млрд теңгеге 10 жоба іске қосылып, онда 523 жұмыс орны ашылды. 

Бұл жобаларға тұрақты мониторинг жұмыстары жүргізіліп, проблемалық мәселелерін шешу бойынша мемлекеттік қолдаулар көрсетілуде.  

Бүгінгі таңда қаланың инвестициялық тартымдылығын арттыру және инвестициялар тарту бойынша белсенді жұмыс жүргізілуде.

Жеңгемді әуеге көтеріп әкеткен сәби рухы
Өнеркәсіп өнімінің көлемін 710,0 млрд теңгеге жетпек
Сәйкес тақырыптар
Көтерілу