Адамгершілік туралы мақал-мәтелдер

Oinet.kz 16-08-2020

Кең пейілді кем болмас.


Басқа түссе, баспақшыл.


Берместің үйінде бесті қымыз тұрады.

1397047906.jpg

Ымды білмеген, дымды білмейді.


Арамзаның құйрығы бір - ақ тұтам.


Өзінің түйедей мінін көрмей,

Біреудің түймедей мінін көрер.


Өзім білем өрге апармас.


Ақкөңілден арамдық шықпас,

Арамдық шықса да жамандық шықпас.


Көзіне қарама, сөзіне қара.


Арақпен достастым дегенше, адамгершілікпен қоштастым де.


Адамды тарлық

Шынықтырады.

Адамгершілікті барлық

Ұмыттырады.


Адамгершілікке арналған

Үш сауап бар:

Шөлге құдық қазған,

Өзенге көпір салған,

Жолға ағаш еккен.


Адалдық — ардың ісі.


Құлан өз қағынан өзі жерімес.


Ала жіпті аттамағанңың абыройы биік.


Асылдың бірі — адалдық.


Арқанды ат қазығына оралар.


Жүз сом ақшаң болғанша,

Жүз жолдасың болсын.


Адалдық жүрген жерде, адамдық жүреді.


Соймасымды соямын,

Сүйгенімнің көңілі үшін.


Жолдас, жолдасқа қиянат еткен оңбас.


Жолдасыңның жоғын қарас:

Табылса жоғына жақсы,

Табылмаса көңіліне жақсы.


Екі жасты қосқанның сауабы бар,

Дос арасын ашқанның обалы бар.


Жақсы көрер тамырдың,

Атын алма, тайын ал.


Жартыны жарып жеген

Татулықтың белгісі.


Ауыз ашса, сыр көрінеді,

Есік ашса төр көрінеді.


Көңіл - қазы, көз - таразы.


Өзі зордың иығы да зор.


Қолы жетпеген кәріп.


Көкірек байғұс текірек қағар.


Біреуге деп көр қазба,

Өзің түсерсің.


Барамын деп аспа,

Жоқпын деп саспа.


Нәрсізге назынды айтпа, сағың сынады.

Нәрліге ишарат етсең, айтпай ұғады.


Адамгершілік абырой әпереді.


Әдеп пен адамгершілік ана тіліңнен нәр алады.


Адамның ұяты бетінде,

Адамгершілігі ниетінде.

Мейірім туралы шығарма
Тұсаукесер тойына арналған тілек, құттықтаулар


Сәйкес тақырыптар
Көтерілу
×