Бүгінде  мемлекеттің экономикасын дамыту туралы мәселенің бірі туризм және қызмет көрсету саласына да бағытталған.

Қандай жер болмасын, өзінің табиғи байлығымен және тарихи – мәдени құндылықтарымен  ерекшеленіп тұрса, ол жер саяхаттаушыларды, ғалым зерттеушілерді, іскер адамдар мен жәй ғана демалушыларды өзіне тартып тұрады.

Төле би ауданы туризмнің төресі саналатын өлке.  Туристер арасында  ең танылғаны Біркөлік шатқалы.  Біркөліктің етегінде  керемет бір демалыс аймағы жайғасқан.  «Ram tau» деп аталатын кешенде туристердің  заңғар тауларды тамашалауға мүмкіндігі бар. Таза әрі ыңғайлы бөлмелерде тынығып,  суы мөлдір бассейнге шомылып әрі орыс моншасына түсіп, сергуге болады. Сондай-ақ мұнда көңілді компаниямен караокеде ән шырқап, аспаздардың әзірлеген асынан дәм татуға мүмкіндік бар.