Шымкентте 21 жастағы Нұрай Серікбайдың өліміне қатысты қылмыстық іс бойынша күдіктіге тағылған айыптардың бірі ауырлатылды. Бұл туралы жәбірленуші тараптың адвокаты Сержан Нұрпейісов мәлімдеді деп жазады Оinet.kz.

Оның айтуынша, іс Қылмыстық кодекстің 99-бабы 2-бөлігінің 5-тармағы – «аса қатыгездікпен жасалған адам өлтіру» бабына қайта сараланған.

Аталған бап бойынша  жаза – 15-тен 20 жылға дейін бас бостандығынан айыру немесе өмір бойына қамау, мүлікті тәркілеумен немесе онсыз.

Қазіргі таңда қылмыстық іс үш бап бойынша қаралып отыр. Атап айтқанда:

ҚР ҚК 99-бабы 2-бөлігінің 5-тармағы – аса қатыгездікпен жасалған кісі өлтіру;

ҚР ҚК 125-1-бабы – некеге тұруға мәжбүрлеу;

ҚР ҚК 115-1-бабы – сталкинг.