Кентау қаласы жылу маусымына толықтай дайын. Бұл туралы Кентау қалалық №5 Жылу орталығының басшысы Сәбит Дауылбаев жергілікті тілшілер мен белсенділер алдында атқарған жұмыстары бойынша берген брифинг барысында мәлімдедіКәсіпорынның құрылтайшысы Кентау қаласының әкімдігі және мемлекеттік басқару органы қалалық тұрғын – үй коммуналдық шаруашылығы, тұрғын-үй инспекциясы бөлімі болып табылады.

Кәсіпорын қызметінің нысанасы мен негізгі мақсаттары:

- электр және жылу энергиясын өндіру, беру және тарату;

- электр желілері мен кіші электр станцияларды пайдалану.

№5 ЖЭО-ғы 1934 жылы құрылған. 1952-1956 жж. аралығында қайта жаңартылған. Қазіргі таңда кәсіпорында 8 қазандық , 2 турбоагрегат бар.

Кәсіпорынның орнатылған жылу қуаты – 168 Гкал/сағ., қолданымдағы қуаты – 126 Гкал/сағ. Тұтынушылар саны: 337 көп қабатты үйлер бойынша – 11 691 абонент, 2240 - жеке үйлер, 104 – бюджеттік мекемелер, 401 – коммерциялық нысандар. Кентау қаласына толыққанды жылу ағымдағы жылдың 27-ші қазан айынан бастап бере бастаймыз деген мекеме басшысы Сәбит Арапұлы, қоймада екі айлық көмір мен мазут барын атап өтті, журналистер тарапынан берілген сауалдарға толыққанды жауап берілді.