Мемлекет басшысы Қасым-Жомарт Тоқаев үкіметтің кеңейтілген отырысында билікке жаңа кадрлар керек екенін мәлімдеді деп хабарлайды Oinet.kz порталы. 

"Қазір сапалы жаңа міндеттерді орындау үшін кадрларды іріктеу барынша маңызды міндетке айналады. Жаңа бағдар білімді, табанды, бастамашыл, іскер әрі адал жаңа орындаушыларды көздейді", - деді мемлекет басшысы.

Тоқаев бүгінгі Үкімет отырысына қатысқандар жоғарыда аталған критерийлерге сай келу-келмеуін ойлауы қажеттігін жеткізді. 

"Енді ойланыңыздар: Осы жерде отырған команда аталған критерийлерге сай ма. Үкімет мүшелері, әкімдер өздерінің мүмкіндіктерін парасатты түрде бағалайды деп ойлаймын. Дегенмен, бізде өзін-өзі сынау және мемлекет пайдасы үшін шешім қабылдау қиындау", - деді ел президенті Қасым-Жомарт Тоқаев.