Бүгін Астанада парламент палаталарының бірлескен отырысы өтіп, Қасым-Жомарт Тоқаев Қазақстан халқына ант берді.Осылайша, ол ресми түрде мемлекет басшысы қызметіне кірісті. Жаңа Президент өз сөзінде Қазақстан Республикасының Тұңғыш Президенті - Нұрсұлтан Назарбаевтың есімін тарихта сақтап қалу үшін бірнеше ұсыныс айтты. Сол ұсыныстардың бірі - ел ордасы Астана қаласын "Нұрсұлтан" деп өзгерту болды. Бұл ұсынысқа залда отырғандар орындарынан тұрып кетіп, ұзақ қол шапалақтады. Сонымен қатар, тұңғыш Президентке "Халық қаһарманы" және "Еңбек ері" атағын беруді ұсынды.