«WhatsApp жүйесі мен ғаламторда Павлодар облысының бұрынғы әкімі, қызмет бабын асыра пайдаланды деген айыппен қамауға алынған Болат Бақауовтың 18 мың жылқысы бар деген ақпарат тарап жатыр. Осы жөнінде видео да пайда болды.

Бейнекөріністе қалың қарлы аймақта әлдебіреулер жылқы айдап бара жатыр, жылқылардың көп болғаны соншалықты жолға сыймай, көліктер оларға жол беріп тұр. Видеоны көлік жүргізушісі түсірген.

Видео мына сілтемеде

Осы видеоға түсінік берген азаматтар Болат Бақауов ұсталған соң оның туған жері 

Железин ауданындағы 18 мың жылқының Ерментауға айдалғанын айтуда.

Бірақ бұл ақпарат нақты емес. Оның жалған болуы да мүмкін екендігін ескертеміз.