Жұлдыз Әбдікәрімова асқар тау әкесін туған күнімен құттықтап, ақ тілегін жеткізді. Актриса әкесінен кешіріп сұрап, көңіл-күйіне ерік берді.

“Әкем ешқашан туған күнін атап өткен адам емес. Бүгін де хабарласып, тілегімді айтып жатсам, “Еліміз аман болсын, халық тыныш болсын!” деп телефонның ар жағынан тілеп жатыр. Мен әрқашан әкемнің жанында өзімді Ұлы Қытай қорғанының артында тұрғандай сезінетінмін. Себебі, тұмсықтыға шоқтырмай, қанаттыға қақтырмай өсіріп, қорғап келді. Бірақ біз әкемізге қарап “Мен сізді өмірден артық жақсы көрем!” деп айта алмаймыз. Себебі неге екенін білмеймін “Ұят”. Бірақ кешегідей қақтығыста жақындарымыздан бір сәтте жырақтап қалдық. Сондықтан кеш болмай тұрғанда: “Әке, мен сізді шексіз жақсы көрем! Өмірімсіз! Алдыңызда кеткен қатем болса, кешірім сұраймын” деп айтқым келеді! Туған күніңізбен, Асылым, Асқар тауым”, – деп жазды Әбдікәрімова.