Нұр-Сұлтанда Денсаулық сақтау министрі Алексей Цой, денсаулық сақтау вице-министрі Ажар Ғинаят, Санитарлық-эпидемиологиялық бақылау комитетінің төрағасы Айжан Есмағамбетова журналистердің Қазақстандағы эпидемиологиялық ахуал туралы сұрақтарына жауап беріп жатыр, деп хабарлайды Oinet.kz.

Брифинг дәстүрлі есеп беруден емес, бірден сұрақ-жауаптан басталды. "Вакциналау жүргізілгеннен кейін қанша адам коронавирус жұқтырды" - деген сұраққа Есмағамбетова жауап берді:

- 4 765 жағдай тіркелді. Бұл вакцина алушылар санымен салыстырғанда өте аз көрсеткіш екенін баса айтқым келеді, яғни 0,009 пайыз.