Өндірістік қауіпсіздігі, еңбек жағдайлары және еңбекті қорғау туралы семинар-тренингі өтті

Oinet.kz 22-07-2021 613

Screenshot_6.jpg

«Шымкент Май» АҚ жұмысшыларына «Өндірістік қауіпсіздігі, еңбек жағдайлары және еңбекті қорғау» тақырыбында семинар-тренинг өткізілді. 

Семинарға «Шымкент қаласы кәсіподақтар орталығы» аумақтық кәсіподақтар бірлестігінің төрағасы Бауыржан Әлтеев, Шымкент қаласы Мемлекеттік еңбек инспекциясы басқармасының басшысы Бауыржан Қалжанов қатысты.

Семинарда «Шымкент қаласы кәсіподақтар орталығы» аумақтық кәсіподақтар бірлестігінің төрағасы Бауыржан Әлтеев сөз сөйлеп, қатысушыларға өндірістегі жазатайым оқиғалардың жағдайын, еңбек қауіпсіздігін қалыптастырудағы кәсіподақтардың рөлін, еңбек қауіпсіздігі және оны қорғау бойынша жұмысшыларды оқыту негіздерін, сондай-ақ, еңбек жағдайын жақсарту жөнінде түсіндірді.

Жиын барысында өндірістік жарақаттанудан, кәсіби аурушаңдықтан сақталу, қауіпті жағдайларды алдын ала ескерту туралы түсіндірме берілді.

Қазақстан Республикасы Заңнамалығына сәйкес әрбір қызметкер еңбек қауіпсіздігі және еңбекті қорғау жөніндегі талаптарға, сондай-ақ еңбек, ұжымдық шарттарға сәйкес санитариялық-тұрмыстық жайлармен, жеке және ұжымдық қорғаныш құралдарымен қамтамасыз етуге құқылы екені түсіндірілді.

Айта кетейік, «Шымкент Май» АҚ жергілікті кәсіподағында 620 кәсіподақ мүшесі бар. Төрағасы – Қыдырбек Манамбаев.

#kasipodaqkz 

#kasipodaqkomektesude #ӘлеуметтікӘріптестік #ҚРКФ #Шымкент #БастауышКәсіподақҰйымыЖылы

Online форматта ZOOM қосымшасы арқылы жиналыс өтті
Мұрат Әбеновтің анасы дүниеден озды
Сәйкес тақырыптар
Көтерілу