Мұзды суға батқан көлікті шығарып жатқан видео тарады (видео)

Oinet.kz 04-12-2020

Әлеуметтік желіде Volvo маркалы көлігін судан шығарып жатқан видео тарады, деп хабарлайды Oinet.kz тілшісі.

Суға батқан көлік.png

Желіде тараған видеода жүргізуші мұздың үстіне дрейфтеу үшін шыққаны айтылады. 

Жүргізушінің өзі жағдай мүлде басқаша болғанын айтады. 

- Негізі мен дрейфтеген жоқпын, тек жөндеуден шыққан көлігімді тексергенмін. Артқы белдігі қалай жұмыс істейтінін тексермек болдым. Бұл аймақ тексеру үшін қолайлы деп ойладым. Себебі тұрақта да, жолда да көлік көп қой. Бірақ мұз шыдамады. Бірақ сол күні мұз үстінде көлік аз болатын. Олар менің көлігімнен әлдеқайда жеңіл болды. Ал мен асықпай жүрдім, тіпті бір орында тексердім десем болады. Сөйтіп мұз шыдамады. Бәлкім мұздың жарылуына ауа райы да әсер еткен шығар. Бірақ болары болды, - дейді көлік иесі Сергей. 

Оқиға 1 желтоқсан кешкі уақытта болған. Сергей көлігі батып бара жатқанын сезіп, тез қозғалып, көліктен шығып кеткен. 

- Мен әскерде болдым. Ол жерде әртүрлі жағдайдан шығуды үйретті. Екі тонна Volvo көлігім суға батып бара жатқанда көліктен лезде шығып, жан бағуыма тура келді. Судан кешке шығарып алдық. Көп адам жиналып, видеоға түсіріп жатты. Сондықтан видео Желіде тарап кетті. Өзім Instagram-да отырмаймын, сондықтан кімнің не жазып жатқанын білмеймін. Бірақ таныстарым адамдар әртүрлі пікір жазып жатқанын айтады. Бірақ ол әлеуметтік желі болғандықтан бәрі қызу талқыға түседі, - дейді көлік иесі.  

Бүгінде Сергейдің көлігі жылыту боксында. Ол қайтадан іске жарамды бола ма, әлде жоқ па белгісіз. Оның таныстары мен жақындары ақшалай көмек жинап жатыр. 

- Мен ешқашан ақша жинауды сұраған емеспін, сұрамаймын да. Көбіне таныстарым мен Volvo club-тағы достарым жинап жатыр. Оларға алғысым шексіз. Біз үнемі бір-бірімізге көмектесуге тырысамыз. Ал жалпы бүкіл Қазақстаннан көмек сұраған емеспін. Болған оқиғаға өзім кінәлімін ғой, - дейді Сергей.  


Посмотреть эту публикацию в Instagram


Публикация от Авто Журнал Караганда (@asphalt.kz)

Посмотреть эту публикацию в Instagram


Публикация от КАРАГАНДА SKANDAL_KRG (@skandal_krg)

Посмотреть эту публикацию в Instagram


Публикация от Авто Журнал Караганда (@asphalt.kz)

«Кетші, өтініш»: Майғазиев Түнтековтен Қазақстаннан кетуді өтінді
Соңғы тәулікте коронавирус жұқтырғандар саны артты
Сәйкес тақырыптар
Көтерілу
×