Алексей Цой: Парацетамол жетіспеушілігі қолдан жасалып отыр

Oinet.kz 03-07-2020

Нұр-Сұлтанда 70 мың адамға арналған парацетамол жарты сағаттың ішінде сатылып кеткен. Ал көп уақыт өтпей бұл препараттар интернетте сатыла бастаған. Бұл туралы Денсаулық сақтау министрі Алексей Цой айтты.

парацетамол

«Кеше Нұр-Сұлтан қаласында 70 мың адамға арналған парацетамол дәрісінің мөлшері дәріханаларға таратылған болатын. Жарты сағаттың ішінде ғана оның бәрі сатылып кетті. Қазіргі уақытта интернетте бұл дәрілер қайта сатыла бастағанын көріп отырмыз. Біздің уәкілетті органдарымыз бұл мәселені жіті бақылауына алады. Сырқаттану жағынан елордада осыншама парацетамолды қажет ететіндей науқастар саны жоқ. Тиісінше бұл препараттарды кейбіреулер сатып алып, қымбатқа сатып жатыр деген сөз. Жетіспеушілік осылайша қолдан жасалып отыр немесе дене қызуы жоқ адамдар дәріні сатып алуда», – деді Алексей Цой ОКҚ-да өткен баспасөз мәслихатында.

Еске сала кетсек Алексей Цой бұған дейін Қазақстанға парацетамолдың 700 мың қаптамасы жеткізілгенін, тағы 800 мыңы күтіліп отырғанын хабарлаған еді.

Басшылықтың талабына налыған медбике жанайқайын жеткізді (видео)
Қазақстанда коронавируспен ауырғандар саны 44 075 болды
Сәйкес тақырыптар
Көтерілу
×