Қызылорда облысында жаңа туған үшемге ерекше есім берді

Oinet.kz 10-06-2020

Қызылорда облысында үшем дүниеге келді. Қазалы ауданына қарасты Ү.Түктібаев ауылының тұрғыны Әйгерім Махамбетжанова Айғант, Айғаным және Асылым есімді үш қызды өмірге әкелді, деп хабарлайды Oinet.kz   ҚазАқпарат сайтына сілтеме жасап. 

image.png

Облыстық денсаулық сақтау басқармасы баспасөз қызметінің хабарлауынша, нәрестелердің салмағы 1300-1700 граммды құраған. Ал бойлары 38-41 сантиметр аралығында болды. Қуаныш Алтынбаев пен Әйгерім Махамбетжанованың бұдан бұрын бес перзенті бар болатын. Осылайша олар енді сегіз баланың ата-анасы атанды. 

- «Қыздарымның аман-есен дүниеге келуіне дәрігерлер қолайлы жағдай жасады. Осы ретте облыстық денсаулық сақтау басқармасының басшысына, облыстық «Ана мен бала» орталығының қызметкерлеріне алғысымды білдіремін», - деді үшемнің әкесі. 

Нәрестелер жедел жәрдем санитарлық автокөлігімен Қазалы ауданы Түктібаев ауылына жеткізілді. Облыстық перинаталдық орталығында биыл жыл басынан 4505 нәресте дүниеге келген. Оның ішінде 75 егіз, 2 үшем дүние есігін ашты.

Түркістан облысында түлектер ерекше әрекетке барды
​Елордада коронавирус жұқтырған жүкті әйелдердің жағдайы қандай?


Сәйкес тақырыптар
Көтерілу
×