Полиция Филиппиннің бұрынғы президенті Родриго Дутертені Халықаралық қылмыстық соттың санкциясы бойынша Манила халықаралық әуежайына қонған соң қамауға алды. 

«Интерпол Манила бүгін таңертең ХКС-тан тұтқындау туралы ордердің ресми көшірмесін алды. Қазіргі уақытта ол (Дутерте) қамауда отыр», деп келтірді AFP президент кеңсесінің мәлімдемесін. 

Сот Дутерте билікте жүргенде басқарған есірткіге қарсы операцияларға қатысты болжамды қылмыстарды тергеп жатыр. Ол бірнеше рет есірткі сатушыларға қарсы физикалық күш көрсетуге шақырды және үш есірткі сатушыны өзі өлтіргенін мәлімдеді. Оның елдегі есірткіге қарсы соғысында, соның ішінде сотсыз жазалау салдарынан мыңдаған адам өлуі мүмкін еді.

AFP ХҚС-қа сілтеме жасап, 79 жастағы бұрынғы президент қуғын-сүргінге байланысты адамзатқа қарсы қылмыс жасады деген күдікке ілінген хабарлады. Құқық қорғаушылардың айтуынша, ондаған мың адам, соның ішінде есірткімен байланысы дәлелденбеген адамдар қаза тапқан.

Бұрынғы президент Манилаға Гонконгтан Cathay Pacific ұшағымен ұшты. Дутерте бұған дейін сот алдында жауап беруге дайын екенін айтқан. Бірақ, Дутертенің бұрынғы адвокаттары қамауға алуды заңсыз деп атады.

Филиппин Халықаралық қылмыстық сот құрамынан 2019 жылы Дутертенің нұсқауымен шықты. Бірақ, сот оның бұған дейін жасалған қылмыстарға, соның ішінде Дутерте мэр болған Давао қаласының оңтүстігіндегі кісі өлтірулеріне қатысты юрисдикциясы бар екенін мәлімдеді. 

Ресми тергеу 2021 жылдың қыркүйегінде басталды, бірақ кейінірек Филиппин билігі есірткіге қарсы операцияларға қатысты жүздеген істі қарап жатқанын мәлімдеген соң тоқтатылды.

Істі қарау 2023 жылдың шілдесінде бес судьядан тұратын алқа Филиппин билігінің сот юрисдикциясы жоқтығы туралы қарсылығын қабылдамаған соң қайта жалғасты.

Осыған дейін Филиппиндегі Трами дауылынан 85 адам қаза тапқаны белгілі болды.