Байдың балаларына грант беруге тыйым салынсын – Ұлттық кеңес мүшесі

Oinet.kz 28-05-2020 1099

Қазақстандағы табысы аса жоғары отбасылардан шыққан балаларға мемлекеттік грант беруге тыйым салу ұсынылды.

Грант үлестіріп жатқанда баланың үлгеріміне ғана емес, әлеуметтік-экономикалық факторларға да қарау керек, деді Ұлттық қоғамдық сенім кеңесінің мүшесі Асылбек Қожахметов, деп хабарлайды Dalanews.kz-ке сілтеме берген Oinet.kz ақпараттық сайты.

– Үй-ішінің табысы жоғары абитуриенттер грант алмауы керек. Гранттарды табысы төмен отбасылардан шыққан барлық абитуриенттерге 50 балл жинаған жағдайда бере салу керек.

Биыл Ұлыбритания үкіметі Кембридж бен Оксфорд университтеріне балалардың кемінде 7%-ын кедей отбасылардан қабылдауды тапсырды. Әлем өзгеріп жатыр. Әлеуметтік лифт жұмыс істеуі үшін мемлекеттік гранттарды табысы төмен адамдарға бағыттау керек, – деді Асылбек Қожахметов.

Бүгін Қасым-Жомарт Тоқаевтың қатысуымен Ұлттық кеңес отырысы өтеді
Бердібек Сапарбаев: Көпшіліктің карантиннен шаршағанын түсінемін
Сәйкес тақырыптар
Көтерілу