Шымкенттік университет лицензиясынан айырылды

Сот Аймақтық әлеуметтік-инновациялық университетті лицензиясынан айырды, деп хабарлайды БҒМ баспасөз қызметі. 

Screenshot_20.jpg

2019 жылы Аймақтық әлеуметтік-инновациялық университетінде Қазақстан Республикасының білім беру саласындағы заңнамасының сақталуына екі рет тексеру жүргізілген болатын. Алайда ЖОО ҚР БҒМ Білім және ғылым саласындағы сапаны қамтамасыз ету жөніндегі комитеттің ұйғарымын орындамаған. 

Осыған байланысты Комитет университетті білім беру қызметін жүргізу құқығына лицензиядан айыру үшін сотқа жүгінді. 2020 жылдың 9 қаңтарында Шымкент қаласының мамандандырылған әкімшілік соты комитеттің нұсқамасын қанағаттандырып, жоғары оқу орнын лицензиядан айыру туралы шешім қабылдады (шешім әлі заңды күшіне енген жоқ). 

Осыған байланысты Министрлік оқуды жалғастыру үшін студенттерді басқа жоғары оқу орындарына ауыстыру жөнінде шаралар қабылдайтын болады. Осы мақсатта жұмыс тобы құрылды. Аудару заңнамаға сәйкес демалыс уақытында жүзеге асырылады. Айта кету керек, жоспардан тыс тексеру қорытындысы бойынша Университеттің білім беру қызметінде өрескел бұзушылықтар анықталған болатын. Атап айтқанда, талапкерлерді шығармашылық емтихандарсыз, 086-У нысанындағы медициналық анықтамасыз, ҰБТ сертификатының түпнұсқасынсыз және бейінді пәндерді есепке алмай қабылдау фактілері анықталған. Сондай-ақ, сабақ кестесін сақтамау фактілері анықталды. ҚР «Білім туралы» Заңының 42 бабы 2 т. сәйкес білім беру ұйымы білім беру қызметімен айналысуға лицензиясынан айырылған немесе таратылған жағдайда оның құрылтайшысы (құрылтайшылары) білім алушыларды оқуын жалғастыру үшін басқа білім беру ұйымдарына ауыстыруға шаралар қолданады. 

2020 жылдың 1 ақпанына дейін ҚР БҒМ-мен қабылданған шешім бойынша қосымша хабарланатын болады. 

"Студенттердің құқықтары мен мүдделерін қорғау мақсатында ұсынылатын білім беру қызметтерінің сапасына назар аударуларыңызды сұраймыз", - ҚР БҒМ баспасөз қызметінің хабарламасында.

Мүмкін сізді қызықтыратын тақырыптар:

  • Тоқаев әлеуметтік желілердің жұмысын қалпына келтіруді тапсырды
  • Тоқаев: «Ресей және Қытаймен көршілес болудың да артықшылықтары бар»
  • Атырау облысында бес вагон рельстен шығып кетті
  • Шахта өртенді
  • Ричард Хаас: «Мюнхенде Қасым-Жомарт Тоқаев маңызды ұстанымын білдірді»
  • Ақпарат

    • Oinet.kz ақпарат агенттігін есепке қою туралы № 16379-ИА куәлігі 06.03.2017 жылы Байланыс, ақпараттандыру және бұқаралық ақпарат құралдары саласындағы мемлекеттік бақылау комитетінен берілді.

    Әлеуметтік желілер

  • Яндекс.Метрика