Петропавлда бір автокөліктегі өрт салдарынан тағы екі көлікте өрт шықты, деп хабарлайды Oinet.kz тілшісі.

Солтүстік Қазақстан облысы Төтенше жағдайлар департаменті баспасөз қызметінің ақпараты бойынша, өрт жеке үйдің жанында тұрған Mercedes-Benz-ден басталған. Өрт сөндірушілер келген кезде 10 минуттан соң үш машина да жанып кетті. Өрт Mercedes-Benz, Toyota және Mazda-ны түгелімен отқа ораған. 

- Өрт кезінде Mercedes-Benz, Mazda автокөліктері толығымен жанып кетті. Toyota автокөлігінің салоны мен оң жақ бөлігі зардап шекті. Зардап шеккендер мен құрбан болғандар жоқ. Өрттің анықталған себебі – электр құралдарымен жұмыс істеу кезінде өрт қауіпсіздігі ережелерін бұзу, - деп хабарлады баспасөз қызметі. 

Өрт сөндірушілер машиналардың, әсіресе электр жабдықтарының техникалық жағдайын үнемі бақылау қажеттігін еске салды. Электр сымдарының қысқа тұйықталуы - автокөліктегі өрттің шығуының басты себебі. Өрт болған жағдайда дереу 101 немесе 112-ге қоңырау шалып, өртті сөндіру жөнінде шаралар қолдану қажет.