Шымкент: «Анаға хат» онлайн шығармашылық байқауының жеңімпаздары марапатталды

Oinet.kz 30-11-2021

Шымкент қаласының Абай ауданына қарасты №5 жалпы орта мектебінде тұңғыш рет 8-11 сынып оқушылары арасында пилоттық жоба ретінде «Анаға хат» шығармашылық байқауы онлайн түрде өтті.

image.png

Іс-шараның мақсаты – ата-ана мен бала арасындағы қарым-қатынасты нығайту, жастарға үлгі боларлық тәлім-тәрбие мен үлкендерге деген құрметтің жоғары тұратынын ұғындыру.

Онлайн форматтағы іс-шараның бірінші кезеңіне сәйкес, қазылар алқасы 49 оқушының шығармаларымен танысып, озық ойлы қатысушыларды марапаттады.

Пилоттық жобаның екінші кезеңі «Саз» колледжінде жалғасты. Жобаның авторы, айтыскер-ақын, ҚР-ның Еңбек сіңірген қайраткері, филология ғылымдарының кандидаты Леубаева Ақмарал Пернебекқызы қатысып екінші кезең бойынша жеңіске жеткен байқау жеңімпаздарын құттықтап, түрлі номинациялармен марапаттады. Сондай-ақ ақын жастарға өз мотивациялық әңгімелерін айтып, әсем әуенмен керемет өлең жолдарын арнады.

Қатысушылар арасында озық ойлы жазылған 4 шығарма иегерлеріне аудан әкімінің арнайы жүлделі орындармен қатар демеушілер есебінен смартфон мен планшеттер табысталды. Шығармаға белсенділік танытқан мектеп ұстаздары да аудан әкімінің алғыс хатына ие болды.

Шымкент қаласының Ақпараттық-коммуникациялық орталығы

Шымкент: «Бір үй, бір бірлестік, бір шот» қағидаты бойынша жаңа жүйеге көшу 96 пайызды құрады
Асарлықтар сапалы электр қуатымен қамтылады


Сәйкес тақырыптар
Көтерілу
×