Биыл Шымкентте  277 көше, яғни 147,6 шақырым топырақ жолдарға тас төсеу жұмыстары толығымен орындалды. Қала аумағындағы ішкі орам және шалғайдағы елді мекендердегі көшелерге жүргізілген зерделеу нәтижесіне сәйкес іске асты. Бұл жөнінде жолаушылар көлігі және автомобиль жолдары басқармасы мәлімдеді.  

Зерттеу жұмыстары барысында тағы 90 шақырым топырақ көшелерге тас төсеу қажеттілігі туындады. Аудан әкімшіліктері ұсынысымен белгіленген көшелер бойынша қазіргі уақытта Қаратау, Еңбекші аудандарында 53 шақырымын «Базис К» ЖШС, ал Абай, Әл-Фараби аудандарында 37шақырым жолды «Ақ Орда» ЖШС мердігерлігімен шағал тас төсеу жұмыстары жүргізілуде.

Қала бойынша Жаңаталап, Игілік, Нұршуақ, Агрофирма Қарасу, Достық-2, Қайнарбұлақ, Нұртас, Асар-1, 2 елді мекендерінде жұмыстар толық біткен. Қазіргі уақытта Тассай, Бадам, Жұлдыз, Оңтүстік, Еламан, Ақтас және 276 орам аймағында тас төсеу жұмыстары атқарылуда.