Батыс Қазақстан облысында жергілікті шенеунік соңғы сәтте пара алудан бас тартып, жазадан құтылып кетті, деп хабарлайды Tengrinews.kz сайтына сілтеме жасаған OINET.KZ. 

Орал қалалық сапа және тауар қауіпсіздігін бақылау басқармасы бөлімінің басшысы Г. Рамазановаға қатысты пара алу дерегі бойынша сотқа дейінгі тергеу жүргізілген. Оған қаладағы мейрамханалардың бірін тексеріп, оң қорытынды жазып беруі үшін 100 мың теңге бермек болған. 

"Пара Рамазановаға аударылып қойған, бірақ бір сәтте ол ақшаны аударған адамға хабарласып, параны қайта алуын сұраған. Осылайша, Рамазанова пара алудан бас тартқандықтан және қылмыс құрамы болмағандықтан қылмыстық іс тоқтатылған. Деген біз оның "Мемлекеттік қызмет" пен мемлекеттік қызметкерлердің этикалық кодексін бұзды деп санаймыз. Осыған байланысты Рамазанованы жұмыстан босатуды сұраймыз", - деді БҚО Сыбайлас жемқорлыққа қарсы департамент басшысының бірінші орынбасары Нұрдәулет Сәмет. 

Басылымның мәліметінше, 20 қарашада Жемқорлыққа қарсы қызметтегілердің кездесуі өтіп, басшылықтың әзірше бұл мәселеге қатысты нақты шешім қабылдауға асықпайтыны белгілі болды.