Шымкент қаласы әкімдігінің жанындағы құқық бұзушылық профилактикасы жөніндегі ведомствоаралық комиссияның және нашақорлыққа қарсы штабтың отырысы өткен болатын. Оған арнаулы және құқық қорғау органдарының басшылары мен жергілікті атқарушы органдардың басшылары қатысты. Оны Шымкент қаласы әкімінің бірінші орынбасары Қуаныш Асылов ашып жүргізіп отырды. 

- Мемлекет басшысы Қасым-Жомарт Тоқаев «Әділетті Қазақстанның экономикалық бағдары» атты Жолдауында есірткінің, оның ішінде синтетикалық есірткінің таралуы болашақ ұрпақтың әл-ауқатына үлкен қауіп төндіретініне тоқталып, «Есірткісіз қоғам құру – әрбір қазақстандықтың алдында тұрған үлкен міндет» деп атап өткен болатын. Бүгінде бұл індетпен бірлесе күресіп, салауатты өмір салтын ұстануға шақырып қана қоймай оны жастар арасында тұрақты айтып, жастарды салауаттылыққа үндеп келеміз, - деді қаласы әкімінің бірінші орынбасары Қуаныш Асылов.

Жалпы күн тәртібінде адам саудасының алдын алу, бұрын сотты болған азаматтардың қайта қылмыс жасауын болдырмау, әуе және темір жол көліктерінде есірткі заттарының жолын кесу, нашақорлыққа қарсы спорттық                  іс-шараларды жандындыру мәселелері қарастырылды. 

Төраға, атқарылған жұмыстардың барысымен танысып, қазіргі уақытта алдын алу шараларын жетілдіруде әзірленген ұсыныстарды талқыға салды.

Аумақтық полиция департаменті бастығының орынбасары А. Бейсенбаев адам саудасының жолын кесуде құқық қорғау органдарымен атқарылған жұмыстардың барысын баяндап, әліде болса қала тұрғындарын ақпараттандыру жұмысын жандандыру қажеттіліктерін атап өтті.

Аса мән беруді қажет ететін пробациялық бақылаудың қазіргі жай-күйі мен проблемалық мәселелерін аумақтық Қылмыстық-атқару жүйесі департаменті бастығының орынбасары Е. Жалғасбаев атап өтіп, оны күшейтуде қабылданып жатқан шаралар бойынша ақпараттар берді.

Күн тәртібіндегі мәселелер бойынша басқа да мекемелердің ұсыныс пен пікірлері тыңдалып, ортақ ұйғарымға келісті.

Отырыс қорытындысы бойынша төраға жұмыстарды барынша күшейту, мекемелер арасындағы өзара іс-қимылды жандандыруда бірнеше тапсырмаларды берді.