Күдіктіні өтіп бара жатқан адамдар ұстап, полицияға тапсырған. Әлеуметтік желіде бет-аузы ала қан болған ер адамның бейнежазбасы тараған болатын. Оны тұрғындар түсірген болып шықты.

Бейнежазба авторының айтуынша, оқиға қараңғыда, теңіз жағалауында болған. Қыздың көмек сұрап айқайлаған дауысын естіген тұрғындар дереу көмекке барып, бойжеткенді құтқарған. Ер адам оны зорламақ болыпты. Тұрғындар күдіктіні полицияның қолына тапсырған.

Маңғыстау облыстық полиция департаменті оқиғаны растап, қылмыстық іс қозғалғанын жеткізді. 

— Бейнежазбадағы зорлауға оқталу әрекеті 11 наурыз күні болған. Дереу қылмыстық іс қозғалды. Полиция қызметкерлері күдіктіні ұстап, тергеу изоляторына қамады. Іс жүргізу аяқталып, айыптау қорытындысымен прокуратура арқылы сотқа жіберілді, — делінген хабарламада.

Посмотреть эту публикацию в Instagram

Публикация от Тіл кеспек жоқ (@tilkespekjoq)