Алматыда автобус пен тепловоз соқтығысты. Алматы Полиция департаменті жол апатына қатысты пікір білдірді, деп хабарлайды Oinet.kz тілшісі.

Жергілікті полиция қызметінің мәліметінше, жол апаты бүгін сағат 11:40-та Алматының Алмалы ауданында болған.

"Жеке тасымалдаушыға тиесілі 88-бағыттағы автобус Әуезов көшесімен солтүстік бағытта Гоголь көшесінің солтүстігінде батысқа қарай теміржол бойымен келе жатқан тепловозбен соқтығысқан. Оқиға салдарынан қоғамдық көлікте болған 6 жолаушы зардап шекті. Оларға медициналық көмек көрсетілді. Оқиғаның басқа мән-жайлары анықталып жатыр", - деді Алматы қалалық полиция департаментінің баспасөз қызметі өкілдері.