Тоқаев Путинді құттықтады

Oinet.kz 12-06-2020 1001

Мемлекет басшысы Ресей Федерациясының президенті Владимир Путинге құттықтау жеделхатын жолдады, деп хабарлайды Oinet.kz тілшісі. 

image.png

Мемлекет басшысы Қасым-Жомарт Тоқаев жеделхатта Ресей президенті Владимир Путинді және барша ресейліктерді ұлттық мерекелері – Ресей күнімен құттықтаған. 

- "Ресей Федерациясы өзінің жаңа тарихында осы атаулы күнді халықаралық тұрақтылық пен қауіпсіздікті қамтамасыз етуге, жаңа сын-тегеуріндер мен қатерлерге қарсы іс-қимылдарға, әлемдік қауымдастық мүшелері арасындағы өзара тиімді және әділ ынтымақтастықты дамытуға үлкен үлес қосып отырған қуатты әрі беделді держава ретінде атап өтеді. Сіздің стратегиялық бағытыңызды қатаң ұстана отырып, Ресей мемлекеттік құрылымның сан ғасырлық дәстүрін табысты арттырып, қоғамдық өмірдің барлық саласын дәйекті түрде жаңғыртып келеді", – делінген жеделхатта. 

Сонымен қатар, президент ресейліктердің патриотизм мен бірлікке бейілдігі, Отандарына деген мақтаныш сезімі мен жарқын болашаққа деген нық сенімі Ресей мемлекетінің тұрақты дамуына және әл-ауқатының артуына кепіл болатынын атап өтті. Қасым-Жомарт Тоқаев Владимир Путинге Қазақстан мен Ресей арасындағы достық байланысты және одақтастықты одан әрі нығайтуға бағытталған жемісті еңбегі үшін ризашылығын білдірді. 

Депутат Бекболат Тілеухан коронавирус жұқтырды
Бекболат Тілеухан қанша әйелі мен баласы бар екенін айтты
Сәйкес тақырыптар
Көтерілу