Жерді сатуды қолдаған министр Сапархан Омаров туралы не білеміз?

Oinet.kz 25-04-2021

OINET.KZ - Кеше Жер реформасы жөніндегі комиссияның 5-ші отырысында жерді жеке меншікке беру жөніндегі мораторийді тағы 5 жылға ұзарту шешімі қабылданды. Комиссия отырысына 67 адам қатысты, оның 4-уі қалыс қалды, қалғандары бірауыздан мораторийді ұзартуға дауыс берді.

Осы отырыста ҚР Ауылшаруашылығы министрі Сапархан Омаров жерді сатуды қолдайтынын мәлімдеген еді.

Screenshot_1.jpg

– Өзінің бизнесін тиімді дамытқысы келетін қазақстандықтарға ұзақ мерзімге жалға алумен қатар ауылшаруашылығы жерлерін жекеменшікке сатып алуға рұқсат беру мүмкіндігі болуы керек. Сондықтан ауылшаруалышығы министрлігінің ұстанымы: Жерді пайдалану екі институтын да қазақстандықтар үшін ұзақ мерзімге жалға алуды да сатуды да сақтап қалу қажет. Қазақстандық жер пайдаланушылардың ауылшаруашылық алқаптарына жекеменшік құқығы мен жалға алу құқығының экономикалық немесе шаруашылық тұрғысынан қайсысы қолайлы болса соны өз бетінше таңдай алу құқығы болуы тиіс деп санамыз. Егер біз ашық бәсекелестік пен тиімді кәсіпкерлік құруға ұмтылсақ, ерте ме кеш пе Қазақстанда ауылшаруалышығы жеріне толыққанды жекеменшік және оны сатып алу, сату бойынша еркін нарық пайда болады, – деген болатын министр.

Screenshot_2.jpgСапархан Омаров кім?

Омаров Сапархан Кесікбайұлы 1968 жылы 5 мамырда Шымкент облысының Қызылқұм ауданы, Утрабат бекетінде туған.

1986–1988 жылдары Кеңес армиясы қатарында әскери борышын атқарды.

1995 жылы Г.В. Плеханов атындағы Ресей экономика академиясын экономист мамандығы және 2001 жылы Қазақ мемлекеттік заң университетін заңгер мамандығы бойынша бітірген.

1995–1996 жылдары Қазақстан Республикасы Бағалы қағаздар жөніндегі ұлттық комиссиясының маманы, бөлім бастығы қызметтерін атқарған.

1996–1998 жылдары – Мемлекеттік азық-түлік келісімшарт корпорациясында бөлім бастығы, басқарма бастығының орынбасары;

1998–2006 жылдары – «Азық-түлік келісімшарт корпорациясы» АҚ-да басқарма бастығы, департамент директоры, басқарушы директор;

2006 –2007 – «Азық-түлік келісімшарт корпорациясы» АҚ-ның вице-президенті;

2007–2008 жылдары Қазақстан Республикасы Президентінің Іс Басқармасы Қазақстан Республикасы Парламентінің Шаруашылық басқармасы бастығының орынбасары;

2008–2011 жылдары – Қазақстан Республикасы Президенті Әкімшілігі Аумақтық-ұйымдастыру және мемлекеттік бақылау бөлімінің мемлекеттік инспекторы;

2011–2014 жылдары Республикалық бюджеттің атқарылуын бақылау жөніндегі есеп комитетінің мүшесі болып қызмет атқарған.

2014 жылдың 4 наурызынан 2016 жылдың 3 наурызына дейін Қазақстан Республикасы Ауыл шаруашылығының вице-министрі.

2016 жылдың 24 наурызынан – алтыншы сайланған Қазақстан Республикасы Парламенті Мәжілісінің депутаты, Аграрлық мәселелер комитетінің төрағасы.

2019 жылдың 25 ақпанынан бастап - Ауыл шаруашылығы министрі болып қызмет атқарады.

«Құрмет» орденімен, Қазақстан Республикасы Президентінің Алғыс хатымен, «Тыңға 50 жыл» медалімен, «Қазақстан Республикасының Тәуелсіздігіне 10 жыл», «Қазақстан Республикасының Тәуелсіздігіне 20 жыл» мерекелік медальдарымен, марапатталған.

Үйленген, үш бала тәрбиелеуде. Зайыбы – Дәулетбердиева Айнұр Садыққызы. Қыздары: Аружан (1998 ж.т.), Маржан (2003 ж.т.), Әлия (2010 ж.т.).

Жерді сатуды қолдаған Рахым Ошақбаев кім?
М.Тайжан мен атақты шопан Жер комиссиясының отырысында ерегісіп қалды (видео)


Сәйкес тақырыптар
Көтерілу
×